好多客戶買3D打印機前都會問我們打印材料貴不貴，我們會答一般ABS和PLA價錢由每KG港幣一百幾十至五六百都有，視乎質素而定。跟住下一個問題就會問1KG可以用多久，咁就難答啦，因為真係好視乎用途。
今次Beets Talk就試試用一件2×4嘅LEGO積木去給大家一個答案。
一般3D打印軟件在完成準備好GCODE打印後，都會顯示所需打印材料的長度，就以上圖Zmorph的專用軟件Voxelizer為例，利用1.75mm粗的材料打印一件2×4的LEGO會用96.1cm。
咁一卷1KG的ABS或PLA有幾長呢？答案是視乎材料密度，不同牌子的材料密度會有所不同，不過一般來說1KG 1.75mm ABS大約長400m，而1KG 1.75mm PLA則大約長330m。
利用以上數據，1KG ABS大約可以印410件2×4 LEGO，1KG PLA則可以印約340件。
以Verbatim ABS/PLA售價為HK$298為例，印一件ABS LEGO約需HK$0.7，一件PLA LEGO則約需HK$0.9。
貴定平呢？大家自己判斷一下了。以上計算只是一個簡單例子，實際情況會視乎模型和打印參數有所不同。
Comments