Avengers Endgame Special: 48小時3D打印Captain Marvel Helmet


萬眾期待Marvel歷來最盛大演出,係21齣戲嘅大結局 - Avengers Endgame上映啦!
為咗準備好睇呢一套期待已久嘅戲,今次我哋打印咗Captain Marvel Helmet入戲院去拯救銀河系消失左嘅人!
因為時間緊迫,我哋沒有時間做任何後製工作,所以我哋採用了Formfutura Galaxy PLA ,因為這材料本身已經有閃亮的金屬效果,而且打印出來的層紋非常幼細,完全無需後製便可做出同Captain Marvel 頭盔十分相似的質感。

決定好用什麼物料之後,第二件事就梗係要去搵個STL Model (本來也可以自己畫,但銀河系沒時間等了!) 一般我哋會去免費的thingiverse.com,如果搵唔到就會去cgtrader.com 或者其他付款網站,不過今次在Thingiverse一搵便搵到了:

Captain Marvel Helmet,https://www.thingiverse.com/thing:3371358

找到STL Model,就可以諗一下點樣切片(slicing)先至會有理想效果。因為呢一個模型非常之大,根據之前經驗大概需時至少40小時或上!呢種情況下可以考慮選擇用大口徑噴嘴(0.6 /0.8mm),加快打印速度會快啲。

另外FDM打印技術在打印到有圓頂的物體會暴露出一級級好似樓梯級的層紋,所以去到圓頂位置,最好選擇薄一點嘅Layer Height (e.g. 0.1 mm 或以下) 。當然大家可以選擇用這個精細的設定去打印全個模型,但時間便會長好多。為了取得平衡,今次我們在模型的初段用了0.2 mm,後段圓頂位置就用咗0.1 mm,分別打印完後組裝。

最後,就係要決定用邊部3D Printer打印,呢個模型又大又費時,打印體積高達30 x 20 x 44cm同穩定性極高的Craftbot XL當然是最佳選擇了!
打印完所有組件後,只要用一般混合膠把組件黏起來,再用油性顏色筆,沾上藍色位置就完成啦!
下一次做嘅係大奸角Thanos,因為無敵是最寂寞!密切留意。。。