7月3日讀畢需時 2 分鐘

Bambu Lab 3D打印機選購指南

Bambu 3D打印機近年快速崛起，而家係入坑或者升級你哋嘅3D打印機嘅大好機會。而Bambu有各式各樣嘅打印機，到底邊買邊部先最適合呢？今次我地會同大家詳細介紹Bambu嘅每一款打印機，俾大家有個概念去揀最適合自己嘅款式。

點解要買Bambu？

前所未有嘅打印速度同性能

Bambu打印嘅速度係以往3D打印機嘅3倍，出黎嘅質素同穩定性都超高。比起以前嘅打印機完全係兩個唔同嘅世界。

Automatic Material System (AMS)系統

AMS系統係Bambu其中一個革命性嘅設計，除咗大家最常見嘅多色打印之外，AMS仲可以幫你自動入料退料，唔夠料嘅時候仲會提醒你，或者set到冇料自動換下一卷。入面仲有內置抽濕功能，可以俾用開3D打印機嘅人節省好多繁複嘅步驟，亦都可以幫新手減少犯錯整壞部打印機嘅機會，預算容許嘅話一定要買返部。

各種Quality of life

除咗AMS之外，所有嘅Bambu Printer都有全自動調平，Bambu Studio 遙距控制，令使用3D打印機更加方便容易。

所有打印平台都可以屈曲，打印完要拆出黎嘅時候都方便。

Bambu嘅材料都內置一塊RFID晶片，打印機可以偵測到而家用緊咩材料然後自動設好打印材料嘅profile，非常方便。

Bambu打印機一共有5部：

	Bambu Lab A1 Mini	Bambu Lab A1	Bambu Lab P1S	Bambu Lab X1 Carbon	Bambu Lab X1E
打印容量	180x180x180mm	256x256x256mm	256x256x256mm	256x256x256mm	256x256x256mm
外型尺寸	347 x 315 x 365 mm	385410430 mm	389 x 389x 458 mm	389×389×457mm	389×389×457mm
支援材料：PLA，ABS， TPU，PVA	理想	理想	理想	理想	理想
支援材料:：ABS，ASA，PET，PA，PC	不建議	不建議	理想	理想	更好
支援材料： Carbon/ Glass Fiber Reinforced Polymer	不建議	不建議	不建議	理想	更好
支援材料：PPA-CF/GF, PPS, PPS-CF/GF	不建議	不建議	不建議	不建議	理想
級別	初階	初階	初階/進階	進階	高階

Bambu Lab A1 Mini

如果大家新手入坑，A1 Mini 絕對係最好嘅選擇。細部，精巧，價格低嘅同時大家可以享受到Bambu各種獨有嘅功能，自動調平，鏡頭，Bambu Studio遙距控制全部都用到，同時享受到Bambu打印機嘅高速打印。A1 Mini亦都支援AMS，同樣可以用4種材料，新手到可以低價享受到AMS嘅威力。

Bambu Lab A1 Mini 3D打印機

立即購買

Bambu Lab A1

如果大家覺得A1 Mini 太細，就可以考慮A1，A1有齊A1Mini嘅所有功能，如果大家想印大啲嘅嘢又唔想買有殼嘅機咁大部，就可以考慮買A1。

Bambu Lab A1 3D打印機

立即購買

Bambu Lab P1S

P1S係Bambu一部比較Casual級嘅有殼機，價錢唔貴亦都有齊Bambu嘅招牌功能，CP值超高。密封嘅環境可以用嚟打印一啲需要恆温嘅材料（ABS，ASA等），亦可以避免發生危險。如果屋企有小朋友或者養寵物嘅話P1S係最好嘅選擇。

Bambu Lab P1S 3D打印機

立即購買

Bambu Lab X1 Carbon

X1 Carbon係Bambu嘅招牌機，比P1S專業好多。唔同嘅地方係X1 Carbon嘅噴嘴係用硬化鋼，硬化鋼嘅噴嘴可以用嚟打印一啲比較特別嘅材料，例如炭纖維同玻璃纖維。除咗噴嘴之外 X1 Carbon嘅機身有P1S嘅塑膠機身升級成為鋁機身外殼，顯示螢幕由P1S嘅黑白螢幕升級成彩色Touch Screen，內置鏡頭嘅性能有大幅提升，而且加咗各種AI功能去控制打印質素同穩定性。想投資一部All round 靚機嘅話一定係揀X1 Carbon。