Roblox係當今全世界細路仔之間最受歡迎嘅虛擬世界遊戲，玩家可以控制自己嘅角色進入唔同嘅世界玩唔同嘅遊戲。除咗遊戲之外，Roblox亦都可以比玩家製作屬於佢哋自己嘅世界， 自己嘅遊戲甚至自己個角色嘅飾物。製作者亦可以將佢哋整出黎嘅道具同飾物放上去市場賣， 但係有時候人地整嘅道具未必啱自己用， 所以今日我會介紹點樣去自己整屬於自己獨一無二嘅Roblox道具。
Roblox市場上有各式各樣嘅cosplay道具，小編身為寶可夢嘅fan想揾智爺頂帽返黎戴下但係偏偏就無人整過頂帽，所以就起左呢個自己整飾品嘅念頭。
要做電子道具首先梗係要整個3D 模型，今次我用咗Nomad Sculpt去畫頂帽. Nomad Sculpt係一個手機/平板軟件，係一個電子雕塑軟件。用家可以透過軟件入面唔同嘅雕塑工具去製作3D模型，好似搓泥膠咁樣。用Nomad成個感覺比較直觀，而且隨時隨地用得，簡單方便。
由於Roblox道具有格數限制，頂帽要減到格數低於4000先用得。整完就將個3D模型export成OBJ格式 send過去電腦嘅Roblox Studio再加工。
Roblox Studio係一個Roblox平台去比玩家去製作屬於佢哋自己嘅世界同遊戲，今次我地會透過Roblox Studio去設定然後上載我地自己嘅道具。 Roblox Studio入面有好多唔同嘅add on，今次我用咗免費嘅Asset Creator. Asset Creator可以容許我好簡單地將一個3D模型變成一個遊戲讀取到嘅飾品，唔需要任何編程知識都可以做到，甚至可以試戴試跑。
做好之後就可以上載上去Roblox，上載需要付費750Robux(虛擬幣)，但係又可以用返自己嘅作品又或者可以放上去市場賺下外快，大家對Nomad Sculpt或者整Roblox配件有興趣嘅話， 都可以參加我地嘅Idea to Done 3D工作坊一齊學習研究啦！
Comments