3D打印好多時會係一場漫長嘅等待，動輒需要以小時甚至以日計嘅打印時間，大家打印最耐嘅紀錄又係幾多呢？想破紀錄，又或者想挑戰一下打印機極限的話，可以試下以下介紹嘅項目。
T-Rex Skeleton
呢套暴龍骨架可以算係一套經典模型，早喺2016年已經可以下載。模型係參考真實恐龍研究資料製作，每條骨都有根有據。全套模型有79件組件，完成後，您就可以擁有一件全長約60cm嘅恐龍骨擺設。
Mechanical Wall Clock
呢個設計非常特別嘅機械時鐘，我哋唔知有幾準，但如果放一個喺屋企就一定可以成為焦點。另外一個特點，係模型分件非常多，所以大家可以用唔同顏色打印，就可以拼揍出自己喜愛嘅色彩組合。模型一共有118個檔案，設計師有提供詳細組裝同調較說明，大家唔駛擔心。
Detailed AT-AT from Star Wars Scale 1:75
就算你唔係Star Wars 星球大戰Fans，都應該見過呢款經典駱駝戰車AT-AT。呢套1:75，高達30cm嘅AT-AT 3D模型，除咗非常精細外，仲有埋內部結構，星戰Fans絕對不容錯過。全套模型大約有70多個部件，設計師話需要約3,900分鐘打印……
World War II 軍事系列
上面介紹都係一啲複雜嘅3D打印項目，最後想同大家介紹嘅係一位設計師嘅作品。呢位TigerAce1945朋友對二次世界大戰歷史非常有興趣，製作咗大量嘅軍事模型，包括坦克、裝甲車、大砲、運兵車等，盟軍同軸心國都有。如果你係二戰軍事迷，就真係有排印！
好想打印但又冇3D打印機？冇問題，可以用我哋3D打印服務，就可以用實惠價錢得到高質素打印服務，學生仲有八折優惠！如果好想自己都可以設計3D模型，就一定要參加我哋Idea to Done工作坊啦！
想自己打印？咁一部高速3D打印機就係必要嘅！下面呢幾部Bambu Lab 3D打印機，絕對會係「工欲善其事，必先利其器」！
Comments